നെടുമ്പാശ്ശേരി: സാമ്പത്തിക തിരിമറി കേസില്‍ പിടികിട്ടാപുള്ളിയായ പ്രതി നെടുമ്പാശ്ശേരി വിമാനത്താവളത്തില്‍ എമിഗ്രേഷന്‍ വിഭാഗത്തിന്റെ പിടിയിലായി.
തൃശൂര്‍ കൊടുങ്ങല്ലൂര്‍ സ്വദേശി ഫസറുധീനെ (42)യാണ് എമിഗ്രേഷന്‍ വിഭാഗം അറസ്റ്റു ചെയ്തത്. സാമ്പത്തിക തിരിമറി കേസില്‍ പ്രതിയായതിനെ തുടര്‍ന്ന് ഇയാള്‍ വിദേശത്തേക്ക് കടക്കുകയായിരുന്നു. ഇയാള്‍ക്കെതിരെ പൊലിസ് ലുക്കൗട്ട് നോട്ടിസ് പുറപ്പെടുവിച്ചിരുന്നു.
ഇന്നലെ ദുബായില്‍ നിന്നും എമിറേറ്റ്‌സ് വിമാനത്തില്‍ നെടുമ്പാശ്ശേരിയില്‍ വന്നിറങ്ങിയപ്പോഴാണ് പിടിയിലായത്. ഇയാളെ നെടുമ്പാശ്ശേരി പൊലിസ് സ്റ്റേഷനില്‍ എത്തിച്ച പ്രതിയെ കേസ് നിലവിലുള്ള കൊടുങ്ങല്ലൂര്‍ പൊലിസിന് കൈമാറി.