തിരുവനന്തപുരം: കവടിയാര്‍ സദ്ഭാവനാ ഭവന്‍ ജോബ് ഡേ ഫൗണ്ടേഷന്‍ ഏര്‍പ്പെടുത്തിയ അവാര്‍ഡിന് (25,000 രൂപ)വെഞ്ഞാറമൂട് രംഗപ്രഭാത്-കുട്ടികളുടെ നാടകവേദി സാംസ്‌കാരികനിലയം ചുമതല വഹിക്കുന്ന കെ.എസ്. ഗീത അര്‍ഹയായതായി ഭാവാഹികള്‍ വാര്‍ത്താസമ്മേളനത്തില്‍ അറിയിച്ചു. 17നു രാവിലെ 10.30നു കവടിയാര്‍ ഭാരത് സേവക് സമാജില്‍ നടക്കുന്ന ചടങ്ങില്‍ ജസ്റ്റിസ് ഡി. ശ്രീദേവി സമ്മാനിക്കും. വാര്‍ത്താസമ്മേളനത്തില്‍ ഫൗണ്ടേഷന്‍ ഭാരവാഹികളായ ബി.എസ്.ഗോപകുമാര്‍, ജയാ ശ്രീകുമാര്‍, മഞ്ജു ശ്രീകണ്ഠന്‍, സീമ എന്നിവര്‍ പങ്കെടുത്തു.