കോഴിക്കോട്: കൊല്ലപ്പെട്ട മാവോയിസ്റ്റ് നേതാവ് കുപ്പുദേവരാജിന്റെ സഹോദരനോട് സ്‌പെഷല്‍ ബ്രാഞ്ച് അസിസ്റ്റന്റ് കമ്മിഷണര്‍ എം.പി പ്രേംദാസ് അപമര്യാദയായി പെരുമാറിയ സംഭവത്തില്‍ അന്വേഷണം നടത്താന്‍ സംസ്ഥാന മനുഷ്യാവകാശ കമ്മിഷന്‍ ഡി.ജി.പിക്ക് നിര്‍ദേശം നല്‍കി. 31നകം അന്വേഷണ റിപ്പോര്‍ട്ട് സമര്‍പ്പിക്കാനാണ് കമ്മിഷന്‍ ആക്റ്റിങ് ചെയര്‍പേഴ്‌സണ്‍ പി. മോഹനദാസിന്റെ ഉത്തരവ്.
പൊതുപ്രവര്‍ത്തകനായ സി.ടി മുനീര്‍ നല്‍കിയ പരാതിയിലാണ് ഉത്തരവ്. കുപ്പുദേവരാജിന്റെ സഹോദരന്‍ ശ്രീധറുടെ കോളറില്‍ പിടിച്ച് സംസ്‌കാരം വേഗത്തിലാക്കാന്‍ അസിസ്റ്റന്റ് കമ്മിഷണര്‍ നിര്‍ബന്ധിച്ചെന്ന് പരാതിയില്‍ പറയുന്നു.