ന്യൂഡല്‍ഹി: ഡല്‍ഹി പൊലിസ് കമ്മിഷ്ണര്‍ അലോക് കുമാര്‍ വര്‍മ സി.ബി.ഐ ഡയറക്ടറാകുമെന്ന് സൂചന. ഇത് സംബന്ധിച്ച ഔദ്യോഗിക പ്രഖ്യാപനം ഉടനുണ്ടാകുമെന്നാണ് കരുതുന്നത്.

1979 ബാച്ച് ഐപിഎസ് ഓഫീസറാണ് അലോക് കുമാര്‍ വര്‍മ. ആഭ്യന്തരമന്ത്രാലയത്തിലെ മുതിര്‍ന്ന ഉദ്യോഗസ്ഥാനായ ആര്‍.കെ.ദത്ത, മഹാരാഷ്ട്ര ഡിജിപി എസ്.സി.മാത്തൂര്‍ എന്നിവരാണ് പരിഗണനയിലുള്ള മറ്റുള്ളവര്‍.

പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ ചേരുന്ന മൂന്നംഗ സമിതി യോഗമാണ് പുതിയ സി.ബി.ഐ മേധാവിയെ നിശ്ചയിക്കുക. ചീഫ് ജസ്റ്റിസ് ജെ.എസ് ഖൊഹാര്‍, കോണ്‍ഗ്രസ് ലോക്‌സഭാ നേതാവ് മല്ലികാര്‍ജുന ഖാര്‍ഗേ എന്നിവരാണ് സമിതിയിലെ മറ്റു അംഗങ്ങള്‍.