ദുബൈ: ഏറ്റവും പുതിയ ഐ.സി.സി ടെസ്റ്റ് റാങ്കിങില്‍ ദക്ഷിണാഫ്രിക്കന്‍ താരങ്ങള്‍ക്ക് നേട്ടം. ബൗളിങ് പട്ടികയില്‍ കഗിസോ റബാഡ സഹ താരം ഡെയ്ല്‍ സ്റ്റെയിനിനെ പിന്തള്ളി അഞ്ചാം സ്ഥാനത്തേക്കുയര്‍ന്നു. ബാറ്റിങില്‍ ഹാഷിം അംല നാലു സ്ഥാനങ്ങള്‍ മെച്ചപ്പെടുത്തി ആറാം സ്ഥാനത്തെത്തി.
ബൗളര്‍മാരില്‍ ഇന്ത്യയുടെ ആര്‍ അശ്വിന്‍ ഒന്നാം സ്ഥാനത്തും ബാറ്റിങ് പട്ടികയില്‍ ആസ്‌ത്രേലിയന്‍ നായകന്‍ സ്റ്റീവന്‍ സ്മിത്ത് ഒന്നാം സ്ഥാനത്തും തുടരുന്നു. ഇന്ത്യന്‍ നായകന്‍ വിരാട് കോഹ്‌ലിയാണ് ബാറ്റ്‌സ്മാന്‍മാരില്‍ രണ്ടാമത്.