നീലേശ്വരം: ഒരിടവേളയ്ക്കു ശേഷം നീലേശ്വരത്തെ വി.എസ് ഓട്ടോ സ്റ്റാന്‍ഡില്‍ വീണ്ടും വി.എസിന്റെ ബോര്‍ഡുയര്‍ന്നു. എന്നാല്‍ പഴയതുപോലെ നേതൃത്വത്തോടുള്ള എതിര്‍പ്പ് മൂലമല്ല ഓട്ടോ ഡ്രൈവര്‍മാര്‍ ഇത്തവണ ബോര്‍ഡുയര്‍ത്തിയത്. മറിച്ച് താന്‍ കേരളത്തിന്റെ കാവലാളാണെന്ന വി.എസിന്റെ പ്രസ്താവനയെത്തുടര്‍ന്നാണ്, കേരളത്തിന്റെ കാവലാളെന്ന പേരില്‍ പൂര്‍ണകായ ചിത്രത്തോടുകൂടിയ ബോര്‍ഡ് സ്ഥാപിച്ചത്.

വി.എസിനെപ്പോലെ പൂര്‍ണമായും പാര്‍ട്ടിയ്ക്ക് കീഴ്‌പ്പെട്ടു പ്രവര്‍ത്തിക്കാന്‍ തന്നെയാണ് ഇവിടുത്തെ വി.എസ് പക്ഷക്കാരുടേയും തീരുമാനം. അതിന്റെ ഭാഗമായി കഴിഞ്ഞ ദിവസം മന്ത്രിസഭയുടെ സത്യപ്രതിജ്ഞ പടക്കം പൊട്ടിച്ചും മധുരം വിതരണം ചെയ്തുമാണ് ഇവര്‍ ആഘോഷിച്ചത്.
ഏറെ കോളിളക്കങ്ങള്‍ സൃഷ്ടിച്ച് സി.പി.എം നേതൃത്വത്തിന് തലവേദനയായ ഒരുപറ്റം പ്രവര്‍ത്തകരാണ് ഇപ്പോള്‍ പൂര്‍ണമായും നേതൃത്വത്തിന് കീഴടങ്ങിയത്.