പെരുമ്പാവൂര്‍: കെ.എസ്.ആര്‍.ടി.സി ബസ് ക്വാളിസ് വാനിലിടിച്ച് മൂന്നു പേര്‍ക്ക് ഗുരുതരമായി പരുക്കേറ്റു. കോട്ടയം സ്വദേശി ആന്‍ഡ്രൂസിനും കുടുംബത്തിനുമാണ് അപകടത്തില്‍ പരിക്കേറ്റത്. ഇന്നലെ രാവിലെ 7.30ന് പെരുമ്പാവൂര്‍ കാലടി ജങ്ഷനിലാണ് സംഭവം.
നെടുമ്പാശ്ശേരി എയര്‍പോര്‍ട്ടില്‍ ബന്ധുവിനെ കൊണ്ടുവിട്ട് തിരികെ വരുന്നതിനിടെ കാലടി ജംഗ്ഷനില്‍ വച്ച് എ.എം റോഡില്‍ നിന്നും അമിത വേഗതിയിലെത്തിയ കെ.എസ്.ആര്‍.ടി.സി ബസ് ക്വാളിസ് വാനിന്റെ ഇടതുവശത്ത് ഇടിക്കുകയായിരുന്നു.ഇടിയുടെ ആഘാതത്തില്‍ വാന്‍ തലകീഴായി മറിഞ്ഞു. രണ്ട് സ്ത്രീകളുള്‍പ്പടെ അഞ്ച് പേരാണ് വാഹനത്തിലുണ്ടായിരുന്നത്.