അന്‍പതോളം ജീവനക്കാരെ ആവശ്യമുള്ള ഇവിടെ ധനകാര്യ വകുപ്പിന്റെ അംഗീകാരം ലഭിക്കാത്തതിനാല്‍ 27 ജീവനക്കാരാണ് ഉള്ളത്
ചെറുപുഴ: സംസ്ഥാനത്തെ എല്ലാ പൊലിസ് സ്റ്റേഷനുകളിലും സര്‍ക്കിള്‍ ഇന്‍സ്‌പെക്ടര്‍മാര്‍ മേധാവികളാകുമ്പോഴും ആവശ്യത്തിന് ജീവനക്കാരില്ലാതെ അവഗണന ഏറ്റുവാങ്ങി ചെറുപുഴ സ്റ്റേഷന്‍. ഫെബ്രുവരിയില്‍ ഉദ്ഘാടനം കഴിഞ്ഞു രണ്ടുവര്‍ഷം പൂര്‍ത്തിയാവുന്ന സ്റ്റേഷനെ ധനകാര്യ വകുപ്പ് ഇതുവരെ അംഗീകരിച്ചിട്ടില്ല. കഴിഞ്ഞ സര്‍ക്കാരിന്റെ അവസാനകാലം തിരക്കിട്ടാണ് ചെറുപുഴ സ്റ്റേഷന്റെ ഉദ്ഘാടനം നടത്തിയത്. അന്‍പതോളം ജീവനക്കാരെ ആവശ്യമുള്ള ഇവിടെ ധനകാര്യ വകുപ്പിന്റെ അംഗീകാരം ലഭിക്കാത്തതിനാല്‍ 27 ജീവനക്കാരാണ് ഉള്ളത്. പക്ഷെ മലയോര മേഖലയായ ചെറുപുഴയില്‍ ഇത്രയും പേരെക്കൊണ്ട് എല്ലായിടത്തും എത്തിപ്പെടാന്‍ കഴിയില്ല. ഇതിനുശേഷം ആരംഭിച്ച മുഴക്കുന്ന് സ്റ്റേഷന്‍ വരെ അംഗീകരിക്കപ്പെട്ടു. ചെറുപുഴ സ്റ്റേഷനു വേണ്ടി ശബ്ദമുയര്‍ത്താനോ വാദിക്കാനോ ആരും മുതിരാത്തതാണ് അവഗണന തുടരുന്നതിനു കാരണം.