ന്യൂഡല്‍ഹി: നേതാജി സുഭാഷ് ചന്ദ്രബോസിന്റെ 120ാം ജന്മദിനത്തില്‍ പ്രധാനമന്ത്രി നരേന്ദ്ര മോദി ആദരമര്‍പ്പിച്ചു. നേതാജിയുമായി ബന്ധപ്പെട്ട ഫയലുകള്‍ ഇന്റര്‍നെറ്റിലൂടെ ലഭ്യമാണെന്നും അദ്ദേഹം ട്വിറ്ററിലൂടെ അറിയിച്ചു. ഇന്ത്യയെ കോളനി വല്‍ക്കരണത്തിന്റെ പിടിയില്‍ നിന്നും സ്വതന്ത്രമാക്കാന്‍ നേതാജിയുടെ ധീരത വലിയ പങ്കുവഹിച്ചിട്ടുണ്ടെന്നും അദ്ദേഹത്തെ താന്‍ സല്യൂട്ട് ചെയ്യുന്നുവെന്നും മോദി ട്വിറ്ററില്‍ കുറിച്ചു.
സമൂഹത്തിലെ അടിച്ചമര്‍ത്തപ്പെടുന്നവരുടെ ഉന്നമനമായിരുന്നു അദ്ദേഹം ചിന്തിച്ചിരുന്നത്. നേതാജിയെക്കുറിച്ചുള്ള ഫയലുകള്‍ പൊതുജനത്തിന് കൂടി ലഭ്യമാകണമെന്ന ദശാബ്ദങ്ങള്‍ നീണ്ട ആവശ്യം സര്‍ക്കാരിന് പ്രാവര്‍ത്തികമാക്കാന്‍ കഴിഞ്ഞുവെന്നും മോദി പറഞ്ഞു.