കിഴിശ്ശേരി: മുതുവല്ലൂര്‍ ഗ്രാമപഞ്ചായത്തിന്റെ 2017-18 വാര്‍ഷിക പദ്ധതിയുടെ ഭാഗമായി നടത്തിയ ആട് വിതരണം പഞ്ചായത്ത് പ്രസിഡന്റ് കെ അഹമ്മദ് സഗീര്‍ ഉദ്ഘാടനം ചെയ്തു. 123 ഗുണഭോക്താക്കള്‍ക്ക് സബ്‌സിഡിയില്‍ ആടുകളെ വിതരണം ചെയ്യുന്ന പദ്ധതിയുടെ ആദ്യ ഘട്ടമായി 11 പേര്‍ക്ക് രണ്ട് പെണ്ണാടുകള്‍ വീതമാണ് വിതരണം ചെയ്തത്. യോഗത്തില്‍ വൈസ് പ്രസിഡന്റ് റഹ്മ മുജീബ് അധ്യക്ഷയായി. വികസന സ്റ്റാന്‍ഡിങ് കമ്മിറ്റി ചെയര്‍മാന്‍ മൊയ്തീന്‍ കോയ, ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ അബ്ദുല്ല കൈതമൂലയില്‍, ബ്ലോക്ക് പഞ്ചായത്ത് അംഗങ്ങളായ എം. പി. മുഹമ്മദ്, ടി മരക്കാര്‍ കുട്ടി ഹാജി, കെ.എന്‍ ബഷീര്‍, ബാബുരാജ്, കുമാരന്‍ മൂഴിക്കല്‍, രഷ്മി, ഷാഹിദ, കെ.ഒ രാധാകൃഷ്ണന്‍, എം സി.സാറാബി, സെക്രട്ടറി ശ്രീനിവാസന്‍, മുജീബ്, പി സൈദാലി ഹാജി സംസാരിച്ചു.