കൂത്താട്ടുകുളം: ചൂട് കനത്തതും വേനല്‍ മഴയില്ലാത്തതും മൂലം ഗ്രാമീണ മേഖലയിലെ റബര്‍ തോട്ടങ്ങള്‍ക്ക് സമീപത്തെ വീടുകളില്‍ കഴിയുന്നവര്‍ ഭീതിയില്‍.
റബര്‍ തോട്ടങ്ങളിലെ കരീയിലയും ഉണങ്ങിയ വിറകു കമ്പുകളുമെല്ലാം ഞൊടിയിടയില്‍ കത്തിപ്പടുരുന്നവയാണ്. കൂത്താട്ടുകുളം ഭാഗത്ത് രണ്ട് സ്ഥലത്ത് ചൊവ്വാഴ്ച റബര്‍ തോട്ടങ്ങള്‍ക്ക് തീപിടിച്ചു.
രാവിലെ വെളിയന്നൂര്‍ ഗവ. ആശുപത്രിക്കു സമീപത്തെ തോട്ടത്തിലും, ഉച്ചയോടെ കിഴകൊമ്പ് ഭാഗത്ത് തടത്തില്‍ വര്‍ഗീസിന്റെ ഒരേക്കര്‍ റബര്‍ തോട്ടത്തിനുമാണ് തീപിടിച്ചത്.
തൊട്ടടുത്ത പുരയിടങ്ങളിലേക്ക് തീ പടരും മുമ്പ് കൂത്താട്ടുകുളത്ത് നിന്നും ഫയര്‍ഫോഴ്‌സ് എത്തി തീ അണക്കുകയായിരുന്നു.