ഷൊര്‍ണൂര്‍: സ്വകാര്യ ബസിലും കെ.എസ്.ആര്‍.ടി.സി ബസിലും രണ്ടു നിയമം. സ്വകാര്യബസിലും ഓഡിനറി കെ.എസ്.ആര്‍.ടി.സി ബസിലും ചാര്‍ജുകള്‍ ഒരേ പോലെയാണ് നാളിതുവരെ ഉണ്ടായിരുന്നത്.
എന്നാല്‍ സര്‍ക്കാര്‍ ഓര്‍ഡിനറി ബസില്‍ മൂന്നുമാസങ്ങള്‍ക്കുമുമ്പ് നിലവിലുണ്ടായിരുന്ന ചാര്‍ജില്‍ നിന്ന് ഒരു രൂപ കുറച്ചാണ് കെ.എസ്.ആര്‍.ടി.സി വാങ്ങുന്നത്. ഉദാഹരണമായി ഒരു യാത്രക്കാരന്‍ ഷൊര്‍ണൂരില്‍ നിന്ന് പാലക്കട്ടേക്ക് യാത്ര ചെയ്യാന്‍ സ്വകാര്യ ബസില്‍ മുപ്പത്തിമൂന്ന് രൂപ ചാര്‍ജ് ഈടാക്കുന്നു കെ.എസ്.ആര്‍.ടി.സിയില്‍ മുപ്പത്തിരണ്ടുരൂപ മതി.
ഷൊര്‍ണൂരില്‍ നിന്ന് താലൂക്ക് ആസ്ഥാനമായ ഒറ്റപ്പാലത്ത് എന്നാല്‍ സ്വകാര്യബസില്‍ 13 രൂപ വാങ്ങുന്നു. കെ.എസ്.ആര്‍.ടി.സിയില്‍ 12 രൂപയും രണ്ടു തരം ചാര്‍ജ് വാങ്ങുന്നതും യാത്രക്കാരും വഴക്കിനും ബഹളത്തിനും വഴിവെക്കാറുണ്ട്. ഒരുരൂപ കുറച്ചതുമൂലം കെ.എസ്.ആര്‍.ടി.സിയില്‍ കലക്ഷന്‍ കൂടിയിട്ടുണ്ടെന്നും പറയുന്നു.
യു.ഡി.എഫ് സര്‍ക്കാര്‍ കെ.എസ്.ആര്‍.ടി.സിയില്‍ ഒരുരൂപ കുറച്ചെങ്കിലും സ്വകാര്യ ബസുകളുടെ ചാര്‍ജ് കുറയ്ക്കാന്‍ ശ്രമിച്ചതുമില്ല. പുതിയ മന്ത്രിസഭ വന്ന സാഹചര്യത്തില്‍ ചാര്‍ജ് കുറക്കുമെന്നാണ് യാത്രക്കാരുടെ പ്രതീക്ഷ.