വെങ്ങപ്പള്ളി: കല്‍പ്പറ്റ റെയ്ഞ്ച് ജംഇയ്യത്തുല്‍ മുഅല്ലിമീന്‍ ഇസ്്‌ലാമിക് കലാമേള ഞായറാഴ്ച വെങ്ങപ്പള്ളി റെയിന്‍ബോ ഓഡിറ്റോറിയത്തില്‍ സംഘടിപ്പിക്കുമെന്ന് സ്വാഗത സംഘം ഭാരവാഹികള്‍ അറിയിച്ചു. റെയ്ഞ്ചിലെ 32 മദ്‌റസകളിലായി 750 ഓളം വിദ്യാര്‍ഥികള്‍ കലാമേളയില്‍ പങ്കെടുക്കും. രാവിലെ എട്ടിന് മഹല്ല് പ്രസിഡന്റ് തന്നാണി അബൂബക്കര്‍ ഹാജി പതാക ഉയര്‍ത്തും. ഇബ്‌റാഹീം ഫൈസി പേരാല്‍, എ.കെ സുലൈമാന്‍ മൗലവി, റെയ്ഞ്ച് പ്രസിഡന്റ് അബ്ബാസ് ഫൈസി, സെക്രട്ടറി സൈനുല്‍ ആബിദ് ദാരിമി, സാജിദ് ബാഖവി, കണ്‍വീനര്‍ അബ്ദുല്‍ ഗഫൂര്‍ മൗലവി പിണങ്ങോട്, നാസര്‍ പച്ചൂറാന്‍, കെ.എ റഹ്മാന്‍ വെങ്ങപ്പള്ളി സംസാരിക്കും.