തിരുവനന്തപുരം: പിണറായി സര്‍ക്കാറിനെ തെരുവില്‍ നേരിടുമെന്ന ചെന്നിത്തലയുടെ പ്രസ്താവനയും മുഖ്യമന്ത്രിയെ ഡല്‍ഹിയില്‍ തടയുമെന്ന് ആര്‍.എസ്.എസ് നേതാക്കളും പറഞ്ഞതോടെ ഇരുകൂട്ടരും ഇണക്കിളികളാണെന്ന് ജനങ്ങള്‍ക്ക് ബോധ്യപ്പെട്ടിരിക്കുകയാണെന്ന് എന്‍.സി.പി സംസ്ഥാന പ്രസിഡന്റ് ഉഴവൂര്‍ വിജയന്‍ .
സ്വന്തം പാര്‍ട്ടിക്കാരെ തെരുവില്‍ നേരിടുന്ന കോണ്‍ഗ്രസുകാര്‍ മുഖ്യമന്ത്രി പിണറായിയെ നേരിടാന്‍ ഇറങ്ങിത്തിരിച്ചാല്‍ ഉമ്മന്‍ചാണ്ടിയെ നേരിടുന്നത് പോലെയായിരിക്കില്ലെന്ന് പ്രതിപക്ഷ നേതാവ് ഓര്‍ക്കുന്നത് നല്ലതായിരിക്കും.
മുഖ്യമന്ത്രിയെയും മന്ത്രിമാരെയും നേരിടുവാന്‍ ശ്രമിക്കുന്നവര്‍ പിന്നീട് അവര്‍ക്ക് സഞ്ചരിക്കാന്‍ ഓരോ
ഹെലികോപ്റ്റര്‍ വാങ്ങേണ്ട ഗതികേടായിരിക്കുമെന്നും ഉഴവൂര്‍ വിജയന്‍ പ്രസ്താവനയില്‍ പറഞ്ഞു.