ഐസ്വാള്‍: മിസോറാമിലെ സെര്‍ച്ചിപ്പ് ജില്ലയില്‍ കാറപകടത്തില്‍ മൂന്നു പേര്‍ മരിച്ചു. രണ്ടു സ്ത്രീകള്‍ ഉള്‍പ്പെടെ മൂന്നു പേരാണ് മരിച്ചത്. സെര്‍ച്ചിപ്പിലെ കുംതുംഗ് ഗ്രാമത്തിന് സമീപമാണ് അപകടമുണ്ടായത്.

എതിരെ വന്ന വാഹനത്തിന് വഴി കൊടുക്കുന്നതിനിടെ കാര്‍ നിയന്ത്രണം നഷ്ടപ്പെട്ട് മറിയുകയായിരുന്നു. 150 അടി താഴ്ചയുള്ള മലയിടുക്കിലേക്കാണ് വാഹനം വീണത്. സംഭവത്തില്‍ ഡ്രൈവറടക്കം രണ്ടു പേര്‍ക്ക് പരുക്കേറ്റു. ഇവരെ അടുത്തുള്ള ആശുപത്രിയില്‍ പ്രവേശിപ്പിച്ചു.