പട്ടിക്കാട്: പാവപ്പെട്ട രോഗികള്‍ക്ക് ഒരു കൈ സഹായവുമായി വിദ്യാര്‍ഥികള്‍ രംഗത്തിറങ്ങിയപ്പോള്‍ ലഭിച്ചത് 1,37,000 രൂപ. പൂപ്പലം ദാറുല്‍ഫലാഹ് ഇംഗ്ലീഷ് സ്‌കൂള്‍ വിദ്യാര്‍ഥികളാണ് ഇത്രയും രൂപ അവശതയനുഭവിക്കുന്ന രോഗികള്‍ക്കു വേണ്ടി പട്ടിക്കാട് ചുങ്കം പെയ്ന്‍ ആന്‍ഡ് പാലിയേറ്റീവ് കെയറിലേക്ക് സ്വരൂപിച്ച് നല്‍കിയത്.
പാലിയേറ്റീവ് ദിനാചരണത്തിന്റെ ഭാഗമായി വിദ്യാര്‍ഥികളും അധ്യാപകരും രക്ഷിതാക്കളും ഈ സദുദ്യമത്തില്‍ പങ്കാളികളായി.
പൂര്‍വവിദ്യാര്‍ഥികളും സംഭാവന നല്‍കി. സ്‌കൂളില്‍ നടന്ന ചടങ്ങില്‍ പി അബ്ദുല്‍ ഹമീദ് എം.എല്‍.എ ക്ലിനിക് ചെയര്‍മാന്‍ എം.ടി മുഹമ്മദാലിക്ക് തുക കൈമാറി.
പ്രിന്‍സിപ്പല്‍ അബ്ദുല്‍ ഖാദര്‍ മാസ്റ്റര്‍, സ്‌കൂള്‍ ചെയര്‍മാന്‍ കെ.വി മുഹമ്മദാലി, മുബശിര്‍ പട്ടിക്കാട് സംസാരിച്ചു.