കോഴിക്കോട്: ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പിന്റെ കോഴിക്കോട് മേഖലാ ഡെപ്യൂട്ടി ഡയരക്ടറായി എന്‍. രാധാകൃഷ്ണ പിള്ള ചുമതലയേറ്റു. മലപ്പുറം, പത്തനംതിട്ട ജില്ലകളില്‍ ജില്ലാ ഇന്‍ഫര്‍മേഷന്‍ ഓഫിസര്‍, വകുപ്പിന്റെ ഫീല്‍ഡ് പബ്ലിസിറ്റി, റിസര്‍ച്ച് ആന്‍ഡ് റഫറന്‍സ് വിഭാഗങ്ങളില്‍ ഇന്‍ഫര്‍മേഷന്‍ ഓഫിസര്‍, സംസ്ഥാന ലോട്ടറി വകുപ്പില്‍ പബ്ലിസിറ്റി ഓഫിസര്‍ തുടങ്ങിയ തസ്തികകളില്‍ സേവനമനുഷ്ഠിച്ചിട്ടുണ്ട്. കൊല്ലം ജില്ലയിലെ ചടയമംഗലം സ്വദേശിയാണ്.