ഉദുമ: രാജ്യത്തെ ജനങ്ങള്‍ക്കിടയില്‍ മത വികാരം ഇളക്കി വിട്ടു രാഷ്ട്രീയ മുതലെടുപ്പു നടത്താനാണ് മോഡിയും ബി.ജെ.പിയും ശ്രമിക്കുന്നതെന്ന് എം.എസ്.എഫ് ദേശീയ സെക്രട്ടറി എന്‍.എ കരീം. ഗാന്ധി സമാധി ദിനത്തില്‍ ഉദുമ മണ്ഡലം എം.എസ്.എഫ് നടത്തിയ ഫാസിസ്റ്റ് വിരുദ്ധ സായാഹ്ന സദസ് ഉദ്ഘാടനം ചെയ്യുകയായിരുന്നു അദ്ദേഹം. ഭിന്നിപ്പിച്ച് ഭരിക്കുക എന്ന ബ്രിട്ടീഷ് കുതന്ത്രങ്ങമാണ് മോദിയും കൂട്ടരും രാജ്യത്ത് നടപ്പാക്കാന്‍ ശ്രമിക്കുന്നത്.
അതിനായി അവര്‍ മതത്തെ കൂട്ടു പിടിക്കുന്നു. ഇന്ത്യയിലെ വിദ്യാര്‍ഥി യുവജനങ്ങള്‍ ഇതിനെതിരേ ശക്തമായി മുന്നോട്ട് വരണം.
മണ്ഡലം എം.എസ്.എഫ് പ്രസിഡന്റ് ജൗഹര്‍ ഉദുമ അധ്യക്ഷനായി. യൂത്ത് ലീഗ് ജില്ലാ ജനറല്‍ സെക്രട്ടറി ടി.ഡി കബീര്‍, സി.ഐ ഹമീദ്, ഷഹീന്‍, നവാസ്, അബ്ദുല്‍ ഖാദര്‍, നഷാത്ത്, സിറാജ്, സ്വഫ്‌വാന്‍ സംബന്ധിച്ചു.