കാട്ടാക്കട: കെ.എസ്.ആര്‍.ടി .സി.ബസും കാറും കൂട്ടിയിച്ച് കാര്‍ യാത്രക്കാരനും ഗുരുതര പരുക്കേറ്റു.
കാട്ടാക്കട ഐശ്വര്യ ടെക്സ്റ്റയില്‍സ്  ഉടമ  കരമന തളിയല്‍ നെടുങ്കാട് അനന്തനാഥ് വീട്ടില്‍ സതീന്ദ്രനാ(38)ണ് പരുക്കേറ്റത്. ഇന്നലെ ഉച്ചയ്ക്ക്  12.45 ഓടെ  അന്തിയൂര്‍ക്കോണം പാലത്തിന് സമീപത്തായിരുന്നു അപകടം. കാട്ടാക്കടയില്‍ നിന്നും  തിരുവനന്തപുരത്തേയ്ക്ക് പോവുകയായിരുന്ന കാറില്‍ എതിരേ വന്ന ബസ് ഇടിക്കുകയായിരുന്നു. കാര്‍ പൂര്‍ണമായും തകര്‍ന്നു . പൊലീസും അഗ്‌നിശമന സേനയും എത്തി കാര്‍ പൊളിച്ചാണ് സതീന്ദ്രനെ പുറത്തെടുത്തത്. ഗുരുതരമായി പരുക്കേറ്റ സതീന്ദ്രനെ ആദ്യം മെഡിക്കല്‍ കോളജ് ആശുപത്രിയിലും പിന്നീട്  നഗരത്തിലെ സ്വകാര്യ ആശുപത്രിയിലും പ്രവേശിപ്പിച്ചു.