കയ്പമംഗലം: ചെന്ത്രാപ്പിന്നിയില്‍ വാക്കുതര്‍ക്കത്തിനിടെ സുഹൃത്തിനെ കുത്തി പരുക്കേല്‍പ്പിച്ച കേസില്‍ യുവാവിനെ മതിലകം പൊലിസ് അറസ്റ്റ് ചെയ്തു. ചെന്ത്രാപ്പിന്നി സ്വദേശി എട്ടമാത്തു പറമ്പില്‍ സ്റ്റാന്‍ലിനെയാണ് (27)മതിലകം എസ്.ഐ സില്‍വസ്റ്റര്‍, ജൂനിയര്‍ എസ്.ഐ ബിജു എന്നിവര്‍ ചേര്‍ന്ന് പിടികൂടിയത്.
കഴിഞ്ഞ തിങ്കളാഴ്ച വൈകിട്ട് ഏഴോടെയാണ് ചെന്ത്രാപ്പിന്നി സ്വദേശി തുരുത്തി വീട്ടില്‍ ഗിരീഷിനെ സ്റ്റാലിന്‍ കുത്തി പരുക്കേല്‍പ്പിച്ചത്. രണ്ട് വര്‍ഷം മുന്‍പ് ഇരുവരും സഞ്ചരിച്ചിരുന്ന ബൈക്ക് അപകടത്തില്‍പ്പെട്ട് സ്റ്റാലിന് ഗുരുതര പരുക്കേറ്റിരുന്നു. ഇതേ തുടര്‍ന്ന് ഗിരീഷ് തന്നെ സഹായിച്ചില്ലെന്നു പറഞ്ഞ് ഇരുവരും വാക്കുത്തര്‍ക്കമാവുകയും സ്റ്റാലിന്‍ ഗിരീഷിനെ കുത്തി പരുക്കേല്‍പ്പിക്കുകയുമായിരുന്നു. കുത്തേറ്റ ഗിരീഷ് തൃശൂരിലെ സ്വകാര്യ ആശുപത്രിയില്‍ ചികിത്സയിലാണ്. പ്രതിയെ വൈകിട്ട് കോടതിയില്‍ ഹാജരാക്കി.