ബംഗളൂരു: കാര്‍ഷിക വിപണനകേന്ദ്രം തലവന്റെ കാറിനു നേരെയുണ്ടായ വെടിവയ്പ്പിനെ തുടര്‍ന്ന് നഗരത്തില്‍ റെഡ്‌ അലേര്‍ട്ട് പ്രഖ്യാപിച്ചു.

ഇന്നു രാവിലെയാണ് നടുറോഡില്‍ കാര്‍ഷിക വിപണനകേന്ദ്രം തലവന്‍ കെ ശ്രീനിവാസന്റെ കാറിനുനേരെ തോക്കുധാരികള്‍ നിറയൊഴിച്ചത്. കാര്‍ ട്രാഫിക്ക് സിഗനലില്‍ നിര്‍ത്തിയസമയത്ത് ബൈക്കില്‍ വന്ന രണ്ടുപേരാണ് വെടിവച്ചത്.

വെടിവയ്പ്പില്‍ പരുക്കേറ്റ ശ്രീനിവാനേയും ഡ്രൈവറേയും ആശുപത്രിയില്‍ പ്രവേശിപ്പിച്ചു.

കൊലപാതകമുള്‍പ്പെടെ നിരവധി ക്രിമിനല്‍ കേസുകളില്‍ പ്രതിയാണ് ശ്രീനിവാസനെന്നു പൊലിസ് പറയുന്നു.