ന്യൂഡല്‍ഹി: പ്രധാനമന്ത്രിയുടെ പ്രിന്‍സിപ്പല്‍ സെക്രട്ടറിയെ കാണാന്‍ വിസമ്മതിച്ച ദീപക് മിശ്രയുടെ നടപടിയെ പിന്തുണച്ച് മുന്‍ ഇന്ത്യന്‍ ചീഫ് ജസ്റ്റിസ് കെ.ജി ബാലകൃഷ്ണന്‍. പ്രിന്‍സിപ്പല്‍ സെക്രട്ടറിക്ക് ചാഫ് ജസ്റ്റിസിനെ ഉപദേശിക്കാന്‍ കഴിയില്ലെന്ന് അദ്ദേഹം വ്യക്തമാക്കി.

ഇന്ന് രാവിലെ ചീഫ് ജസ്റ്റിസ് ദീപക് മിശ്രയെ കാണാന്‍ പ്രിന്‍സിപ്പല്‍ സെക്രട്ടറി നൃപേന്ദ്ര മിശ്രക്ക് അനുമതി നിഷേധിച്ചിരുന്നു. തുടര്‍ന്ന് നൃപേന്ദ്ര മിശ്ര കൂടിക്കാഴ്ച നടത്താതെ മടങ്ങി.   ദീപക് മിശ്രയുടെ വീട്ടിലായിരുന്നു പ്രിന്‍സിപ്പല്‍ സെക്രട്ടറി എത്തിയത്. കഴിഞ്ഞ ദിവസം സുപ്രിം കോടതിയിലുണ്ടായ പ്രശ്‌നങ്ങള്‍ ചര്‍ച്ച ചെയ്യാനാണ് അദ്ദേഹം എത്തിയത്. എന്നാല്‍ ദീപക് മിശ്ര കൂടിക്കാഴ്ചക്ക് വിസമ്മതിക്കുകയായിരുന്നു.