കടയ്ക്കല്‍: നിരവധി മോഷണക്കേസുകളിലെ പ്രതിയെ കടയ്ക്കല്‍ പൊലിസ് അറസ്റ്റ് ചെയ്തു. പള്ളിക്കല്‍ മൂതല സ്വദേശി ഷമീറിറാ(33)ണ് അറസ്റ്റിലായത്.
കടയ്ക്കല്‍ സ്‌റ്റേഷന്‍ പരിധിയില്‍ മാത്രം എട്ടോളം
കേസുകളുള്ള ഇയാള്‍ കൊല്ലം, തിരുവനന്തപുരം ജില്ലകളിലേയും നിരവധി മോഷണക്കേസുകളില്‍ പ്രതിയാണ്.
വീടുകളും ക്ഷേത്രങ്ങളുടെ വഞ്ചിപ്പെട്ടികളും കുത്തിത്തുറന്ന് മോഷണം നടത്തിവന്ന ഇയാള്‍ മടത്തറയില്‍ നിന്നാണ് പൊലിസിന്റെ പിടിയിലായത്. മോഷണം നടത്തിയശേഷം തമിഴ്‌നാട്ടിലേക്ക് കടക്കുകയായിരുന്നു.
കഴിഞ്ഞദിവസം രാത്രി പട്രോളിങ്ങിനിടെ മടത്തറയില്‍ നിന്നാണ് ഇയാള്‍ പിടിയിലായത്.
കടയ്ക്കല്‍ എസ്.ഐ റിന്‍സ് എം തോമസ്, ഗ്രേഡ് എസ്.ഐമാരായ ദിലീഷ്, ഹുസൈന്‍, എ.എസ്.ഐ മഹേന്ദ്രലാല്‍, സി.പി.ഓമാരായ എസ് സന്തോഷ് കുമാര്‍, സന്തോഷ് ചെട്ടിയാര്‍ എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.