പയ്യോളി: കോട്ടപ്പുഴയിലെ ഉപ്പുവെള്ളം തടഞ്ഞുനിര്‍ത്തുന്ന കൊളാവിപ്പാലത്തെ രണ്ടുചീര്‍പ്പുകള്‍ ജീര്‍ണിച്ചത് കാരണം ചെത്തില്‍ പാടശേഖരത്തിലേക്ക് ഉപ്പുവെള്ളം കയറി. 25 ഏക്കറോളം പുഞ്ചപ്പാടം നശിച്ചു.
ഇതേതുടര്‍ന്ന് പരിസരത്തെ കിണറുകളില്‍ ഉപ്പുവെള്ളം കയറി കുടിവെള്ളം മുടങ്ങി.സംഭവത്തില്‍ നഗരസഭ കാണിക്കുന്ന അനാസ്ഥ അവസാനിപ്പിക്കണമെന്നാവശ്യപ്പെട്ട് പ്രക്ഷോഭം നടത്താന്‍ ചെത്തില്‍ പാടശേഖര സമിതിയുടെയും സംയുക്ത തീരദേശ സമിതിയുടെയും നേതൃത്വത്തില്‍ നടന്ന ജനകീയ കൂട്ടായ്മ തീരുമാനിച്ചു.
പതിനഞ്ചിന് നഗരസഭാ കാര്യാലയത്തിലേക്ക് മാര്‍ച്ച് നടത്താന്‍ തീരുമാനിച്ചു.
വടേക്കണ്ടി നാരായണന്‍ ഉദ്ഘാടനം ചെയ്തു. വി.വി അനിത അധ്യക്ഷയായി. കെ.ടി രാജീവന്‍, ചെറിയാവി സുരേഷ് ബാബു, കെ.പി സബിത, എം.പി ഭരതന്‍, കെ.ടി കേളപ്പന്‍, എന്‍.ടി രാജന്‍, ടി.കെ കണ്ണന്‍, എം.ടി നാണു, എ.വി ബാലകൃഷ്ണന്‍, കെ. രത്‌നാകരന്‍, വി. ഗോപാലന്‍ സംസാരിച്ചു.