റിയാദ്: സഊദിയില്‍ ഉണ്ടായ കാര്‍ അപകടത്തില്‍ കുടുംബത്തിലെ ആറു പേര്‍ മരിച്ചു. ഡ്രൈവറടക്കം കുടുംബത്തിലെ എട്ടു പേര്‍ സഞ്ചരിച്ച കാര്‍ മറ്റൊരു വാഹനവുമായി  കൂട്ടിയിടിച്ചുണ്ടായ അപകടത്തില്‍ മൂന്നു കുട്ടികളും മൂന്നു സ്ത്രീകളുമാണ് മരിച്ചത്.

 

കൂടാതെ മൂന്ന് സ്തീകള്‍ക്കും ഇരു വാഹനത്തിലെയും ഡ്രൈവര്‍മാര്‍ക്കും ഗുരുതര പരുക്കേല്‍കുകയും ചെയ്തു. ജിസാന്‍ മേഖലയിലെ സ്വബിയ മുനിസിപ്പാലിറ്റിയിലെ കദമിയിലാണ് സംഭവം. സംഭവം അറിഞ്ഞു ഉടനടി സ്ഥലത്തെത്തിയപ്പോള്‍ തന്നെ ആറു പേരും മരിച്ചിരുന്നതായി റെഡ് ക്രസന്റ് ജിസാന്‍ മേഖല വക്താവ് ബീശി അസ്സര്‍ഖി പറഞ്ഞു. സംഭവത്തില്‍ ഇവരുടെ വാഹനങ്ങളില്‍ ഒന്ന് പൂര്‍ണ്ണമായും തകര്‍ന്നു. മരിച്ചവർ ഏതു രാജ്യക്കാരാണെന്നു വ്യക്തമല്ല.