തിരുവനന്തപുരം: ലോ അക്കാദമിയിലെ ക്രമക്കേട് സംബന്ധിച്ച ഹരജിയില്‍ ലക്ഷ്മി നായര്‍ക്കും മന്ത്രിമാര്‍ക്കും ഉള്‍പ്പെടെ 30 പേര്‍ക്കെതിരേ തിരുവനന്തപുരം സബ് കോടതിയുടെ നോട്ടിസ്.
വിദ്യാഭ്യാസമന്ത്രി സി രവീന്ദ്രനാഥ്, നിയമമന്ത്രി എ.കെ ബാലന്‍ എന്നിവരെ കൂടാതെ അഡ്വക്കറ്റ് ജനറല്‍, കേരള സര്‍വകലാശാല വി.സി, നിയമസെക്രട്ടറി, വിദ്യാഭ്യാസ സെക്രട്ടറി, സര്‍വകലാശാല നിയമവിഭാഗം മേധാവി, നിയമവിഭാഗം ഡീന്‍, അക്കാദമി ഡയറക്ടര്‍ നാരായണന്‍നായര്‍, ഭരണസമിതിയംഗങ്ങള്‍ എന്നിവര്‍ക്കും നോട്ടിസ് അയച്ചിട്ടുണ്ട്.
ഇവരോട് നാളെ തിരുവനന്തപുരം സബ് കോടതിയി
ല്‍ ഹാജരാവാനാണ് നിര്‍ദേശം.
ലോ അക്കാദമി നടത്തിപ്പിനായി പുതിയ ഭരണസമിതിയെ ഏര്‍പ്പെടുത്തണമെന്നാവശ്യപ്പെട്ട് ബി.ജെ.പി നേതാക്കളായ വി.മുരളീധരനും വി.വി രാജേഷും സമര്‍പ്പിച്ച ഹരജിയിലാണ് ഉത്തരവ്. അക്കാദമി നടത്തിപ്പിനായി പുതിയ ബൈലോ രൂപീകരിക്കുക, പുതിയ ട്രസ്റ്റിനെ ഏര്‍പ്പെടുത്തുക, അതുവരെ അക്കാദമി ഭരണം റിസീവര്‍ക്ക് കൈമാറുക, അക്കാദമി സംബന്ധമായ മുഴുവന്‍ രേഖകളും കോടതി നിയോഗിക്കുന്ന റിസീവറെ ഏല്‍പ്പിക്കുക തുടങ്ങിയ ആവശ്യങ്ങളാണ് ഹരജിയിലുള്ളത്.