കരുനാഗപ്പള്ളി: പാതിവഴിയില്‍ പൊലിഞ്ഞുപോയ നിഥിന്റെ സ്വപ്നത്തിനു തറക്കല്ലിട്ടു. സ്വന്തമായി ഒരു വീട് നിര്‍മിക്കുന്നതിന് വേണ്ടിയുള്ള ഒട്ടപ്പാച്ചിലിനിടെയാണ് തൊടിയൂര്‍ കല്ലേലിഭാഗം പുതുമംഗലത്തു കിഴക്കതില്‍ നിഥിന്‍ അപകടത്തില്‍പ്പെട്ടത്. നിഥിന്റെ കുടുംബത്തിനായി കെ.സി വേണുഗോപാല്‍ എം.പിയുടെ നേതൃത്വത്തില്‍ പണി കഴിപ്പിക്കുന്ന വീടിന് അദ്ദേഹത്തിന്റെ സാന്നിധ്യത്തില്‍ തന്നെ ശിലയിട്ടു. നിഥിന്റെ മാതാവ് ലളിത എം.പിയുടെ കൈയില്‍ നിന്നും ശില ഏറ്റുവാങ്ങി കര്‍മം നിര്‍വഹിച്ചു. വീടിന്റെ പണി മെയ് പത്തിനകം പൂര്‍ത്തിയാക്കി കുടുംബത്തിന് കൈമാറാനുള്ള ശ്രമങ്ങളാണ് നടത്തുന്നതെന്ന് എം.പി അറിയിച്ചു. ചടങ്ങില്‍ എന്‍ അജയകുമാര്‍, കെ.എ ജവാദ്, വേണു ആര്യത്ത്, ഷിബു എസ് തൊടിയൂര്‍, ജി.ശെല്‍വരാജ്, സുഭാഷ്, ഡോ.ഗണപതി, കല്ലേലിഭാഗം ബാബു,സി.ഒ കണ്ണന്‍, മാരാരിത്തോട്ടം ശിവന്‍പിള്ള, ആര്‍ ശശിധരന്‍ പിള്ള, വി. വിജയന്‍ എന്നിവര്‍ പങ്കെടുത്തു. നിഥിന്റെ പിതാവ് മോഹനന്റെയും മാതാവ് ലളിതയുടെയും പേരില്‍ ഫെഡറല്‍ ബാങ്ക് കരുനാഗപ്പള്ളി ശാഖയില്‍ അക്കൗണ്ട് ആരംഭിച്ചിട്ടുണ്ട്. അക്കൗണ്ട് നമ്പര്‍ 11070100446038. ഫോണ്‍: 9947144440.