കൊല്ലം: സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന്‍ ബിനോയ് കോടിയേരി ഉള്‍പ്പെട്ട ദുബായ് തട്ടിപ്പുകേസില്‍,പി.ബി ചേരുന്നതിന് മുമ്പ് കോടിയേരിയെ കണ്ട് വിവരം പറഞ്ഞിരുന്നതായി,ആരോപണവുമായി രംഗത്തെത്തിയ രാഹുല്‍ കൃഷ്ണയുടെ ഭാര്യാപിതാവ് രാജേന്ദ്രന്‍ നായര്‍ സ്വകാര്യചാനലിനോട് പറഞ്ഞു. രാഹുല്‍കൃഷ്ണയുമായി മാസങ്ങള്‍ക്കുമുമ്പ് തിരുവനന്തപുരത്തെത്തിയാണ് അന്നു കോടിയേരിയെ കണ്ടത്. അദ്ദേഹം നോക്കാമെന്നാണ് മറുപടി പറഞ്ഞത്. കൂടാതെ കേസ് തീര്‍ത്തില്ലെങ്കില്‍ നിയമനടപടിയുമായി മുന്നോട്ട് പോകുമെന്ന് തങ്ങള്‍ വ്യക്തമാക്കിയിരുന്നു. എന്‍ വിജയന്‍പിള്ള എം.എല്‍.എയെയും ചവറയിലെത്തി നേരില്‍ക്കണ്ടിരുന്നു. അദ്ദേഹവും ഇക്കാര്യത്തില്‍ അനുകൂലമായ നിലപാട് സ്വീകരിച്ചില്ല. അതാണ് കേസുമായി മുന്നോട്ട് പോകന്‍ കാരണമെന്ന് അദ്ദേഹം പറഞ്ഞു. രാഹുല്‍കൃഷ്ണയും ബിനോയിയുമായി ഇടപാടില്ലെന്നും പണം ലഭിക്കാനുള്ളത് കമ്പനിക്കാണെന്നും രാജേന്ദ്രന്‍ നായര്‍ പറഞ്ഞു.