കിഴിശ്ശേരി: കുഴിയംപറമ്പ് ചെനിയംകുന്നില്‍ വന്‍ തീപിടിത്തം. ഒന്നര ഏക്കറോളം റബര്‍ തോട്ടം കത്തിനശിച്ചു. നൂറോളം മരങ്ങളാണ് അഗ്‌നിക്കിരയായത്. കറുത്തോടന്‍ വല്യാപ്പു, വിളക്കിനിക്കാട്ട് കുഞ്ഞിമാന്‍, കെ.ടി മൊയ്തീന്‍കുട്ടി എന്നിവരുടെ ഉടമസ്ഥതയിലുള്ള തോട്ടമാണ് കത്തിയമര്‍ന്നത്.
ഇന്നലെ ഉച്ചയ്ക്ക് പന്ത്രണ്ടോടെയായിരുന്നു സംഭവം. തീപിടിത്തത്തിന്റെ കാരണം വ്യക്തമായിട്ടില്ല. തീ ആളിപ്പടരുന്നതു കണ്ടണ്ട സമീപവാസികളാണ് ആദ്യം തീ അണയ്ക്കാനിറങ്ങിയത്. വിവരമറിഞ്ഞെത്തിയ നാട്ടുകാരുടെ കൂട്ടായ പരിശ്രമത്തിലൂടെയാണ് തീയണക്കാനായത്.