തിരുവനന്തപുരം: കേരള അറബിക് മുന്‍ഷീസ് അസോസിയേഷന്‍ 66ാം സംസ്ഥാന സമ്മേളനം ഇന്നും നാളെയുമായി തിരുവനന്തപുരം അധ്യാപക ഭവനില്‍ നടക്കും. 'അറബിഭാഷാ പഠനം ധാര്‍മിക മുന്നേറ്റത്തിന്' എന്ന സന്ദേശത്തില്‍ നടത്തുന്ന സമ്മേളനം അറബിക് സര്‍വകലാശാലാ യാഥാര്‍ഥ്യമാക്കുക, ഭാഷാധ്യാപക പ്രശ്‌നങ്ങള്‍ പരിഹരിക്കുക എന്നീ ആവശ്യങ്ങളുന്നയിക്കും. ഇന്ന് രാവിലെ 10.30ന് നടക്കുന്ന പ്രതിനിധി സമ്മേളനം സംസ്ഥാന ജനറല്‍ സെക്രട്ടറി ഇടവം ഖാലിദ്കുഞ്ഞ് ഉദ്ഘാടനം ചെയ്യും. നാളെ രാവിലെ 10ന് ഉദ്ഘാടന സമ്മേളനം മന്ത്രി കെ.ടി ജലീല്‍ ഉദ്ഘാടനം ചെയ്യും. 11.30ന് വിദ്യാഭ്യാസ സമ്മേളനം മന്ത്രി പ്രൊഫ. സി. രവീന്ദ്രനാഥ് ഉദ്ഘാടനം ചെയ്യുമെന്നും ഭാരവാഹികളായ എം. തമീമുദ്ദീന്‍, എ.എം ആരിഫ്, മുഹമ്മദ് എന്നിവര്‍ വാര്‍ത്താസമ്മേളനത്തില്‍ അറിയിച്ചു.