സന്‍ആ: യമനില്‍ കാര്‍ബോംബ് സ്‌ഫോടനത്തിലും സഖ്യ സേനയുടെ വ്യോമാക്രമണത്തിലും പത്തു പേര്‍ കൊല്ലപ്പെട്ടു. ഹൂതി നിയന്ത്രിത പ്രദേശമായ സെന്റ്രല്‍ ബൈദാ പ്രവിശ്യയിലെ റദാ സിറ്റിയില്‍ സ്‌പോര്‍ട്‌സ് ആന്‍ഡ് കള്‍ച്ചറല്‍ ക്ലബിനെ ലക്ഷ്യംവച്ചാണ് സ്‌ഫോടനം. ആക്രമണത്തില്‍ രണ്ട് ഹൂതികളും പിഞ്ചുകുട്ടിയും കൊല്ലപ്പെട്ടതായി വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു. ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല.
ശബ്‌വ പ്രവിശ്യയിലെ തെക്കന്‍ മേഖലയില്‍ സഊദിയുടെ നേതൃത്വത്തിലുള്ള സഖ്യസേന നടത്തിയ ആക്രമണത്തില്‍ ഏഴു പേരും കൊല്ലപ്പെട്ടുണ്ട. ബൈജാന്‍ വില്ലേജിലെ ഹൂതികളുടെ നിരവധി കേന്ദ്രങ്ങള്‍ വ്യോമാക്രമണത്തില്‍ തകര്‍ന്നതായും പേരു വെളിപ്പെടുത്താത്ത പ്രാദേശിക ഉദ്യോഗസ്ഥന്‍ വെളിപ്പെടുത്തി.