അബൂദബി രാജ്യാന്തര നിക്ഷേപക ഉച്ചകോടി ഈ മാസം 28, 29 തീയതികളില്‍ അബൂദബിയില്‍ നടക്കും. നിക്ഷേപത്തിലും നൂതന ആശയങ്ങളിലും ആഗോള നേതാക്കളെ ഒരുമിച്ച് കൊണ്ടുവരുന്ന ഉച്ചകോടി പൊതുവിപണി, നിര്‍മിത ബുദ്ധി, റിയല്‍ എസ്‌റ്റേറ്റ്, ആരോഗ്യസംരക്ഷണം, സുസ്ഥിരത എന്നിങ്ങനെ വിവിധ മേഖലകളുടെ ഭാവി, വെല്ലുവിളികള്‍ തുടങ്ങിയ വിഷയങ്ങള്‍ ചര്‍ച്ച ചെയ്യും.

ലോകത്തിന്റെ വിവിധ ഭാഗങ്ങളില്‍ നിന്നുള്ള നിക്ഷേപകര്‍, സംരംഭകര്‍, വ്യവസായികള്‍ തുടങ്ങി, അതിസമ്പന്നര്‍ ഉള്‍പ്പെടെ 500ലേറെ പ്രതിനിധികള്‍ ഉച്ചകോടിയില്‍ പങ്കെടുക്കുമെന്ന് സംഘാടകര്‍ അറിയിച്ചു.

ഉച്ചകോടിയില്‍ ഒട്ടേറെ നിക്ഷേപ പദ്ധതികളുടെ പ്രഖ്യാപനം ഉണ്ടാകുമെന്നാണ് പ്രതീക്ഷിക്കുന്നത്. സംരംഭകര്‍ക്ക് സ്വന്തം സ്റ്റാര്‍ട്ടപ് ആശയങ്ങള്‍ അവതരിപ്പിക്കാനും സാമ്പത്തിക പിന്തുണ തേടാനും ഉച്ചകോടി അവസരമൊരുക്കും. ഐവി ഗ്രോത്ത് അസോസിയേറ്റ്‌സും മെഹ്ത വെല്‍ത്തും സംയുക്തമായാണ് ഉച്ചകോടി സംഘടിപ്പിക്കുന്നത്.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

 Get ready for the International Investor Summit, happening on November 28-29 in Abu Dhabi.