കണ്ണൂര്‍: കേരള സ്റ്റേറ്റ് സര്‍വീസ് പെന്‍ഷനേര്‍സ് യൂനിയന്‍ (കെ.എസ്.എസ്.പി.യു) സംസ്ഥാന സമ്മേളനം ഒന്ന് മുതല്‍ നാലു വരെ കണ്ണൂര്‍ സാധു കല്യാണമണ്ഡപത്തില്‍ നടക്കും. രാവിലെ പത്തു മണിക്ക് കണ്ണൂര്‍ പെന്‍ഷന്‍ ഭവനില്‍ സംസ്ഥാന സെക്രട്ടേറിയറ്റ് യോഗം നടക്കും. വൈകിട്ട് അഞ്ചുമണിക്ക് പതാക-കൊടിമര ജാഥ സംഗമം സാധുകല്യാണമണ്ഡപത്തില്‍ നടക്കും. രണ്ടിന് രാവിലെ പത്തിന് പി.കെ ശ്രീമതി ടീച്ചര്‍ എം.പി ഉദ്ഘാടനം ചെയ്യും. സംസ്ഥാന പ്രസിഡന്റ് എന്‍ സദാശിവന്‍ നായര്‍ അധ്യക്ഷനാകും. മൂന്നിന് പൂരക്കളി, പുത്തന്‍ സാമ്പത്തിക നയങ്ങളെക്കുറിച്ചുള്ള സെമിനാര്‍, ട്രേഡ് യൂനിയന്‍ സുഹൃദ്‌സമ്മേളനം, സാംസ്‌കാരിക സമ്മേളനം എന്നിവ നടക്കും. നാലിന് രാവിലെ പത്തിന് നടക്കുന്ന സമ്മേളനം വനിതാ കമ്മീഷന്‍ അധ്യക്ഷ കെ റോസക്കുട്ടി ടീച്ചര്‍ ഉദ്ഘാടനം ചെയ്യും. വൈകിട്ട് നാലിന് പ്രകടനവും അഞ്ചരയ്ക്ക് കണ്ണൂര്‍ സ്റ്റേഡിയം കോര്‍ണറില്‍ പൊതുസമ്മേളനവും നടക്കും.