ന്യൂഡല്‍ഹി: കേരളാ കോണ്‍ഗ്രസ് (എം) നേതാവും മുന്‍ മന്ത്രിയുമായ കെ.എം മാണി ആരോപണവിധേയനായ ബാര്‍ കോഴക്കേസില്‍ സി.ബി.ഐ അന്വേഷണം ആവശ്യപ്പെട്ട് സുപ്രിംകോടതിയില്‍ ഹരജി. കേസില്‍ ശരിയായ അന്വേഷണം നടക്കാത്തതിനാല്‍ സി.ബി.ഐക്കു വിടണമെന്നാണ് ആവശ്യം.
കേരളാ കോണ്‍ഗ്രസ് (നാഷനലിസ്റ്റ്) ചെയര്‍മാനും കോട്ടയം ലോക്‌സഭാ മണ്ഡലത്തിലെ എന്‍.ഡി.എ സ്ഥാനാര്‍ത്ഥിയുമായിരുന്ന നോബിള്‍ മാത്യുവാണ് ഹരജിക്കാരന്‍.
ബാര്‍ കോഴക്കേസില്‍ അന്തിമ റിപ്പോര്‍ട്ട് നല്‍കാന്‍ വിജിലന്‍സിന് ഹൈക്കോടതി നിര്‍ദേശം നല്‍കിയ സാഹചര്യത്തിലാണ് സുപ്രിംകോടതിയില്‍ നോബിള്‍ പ്രത്യേക അനുമതി ഹരജി നല്‍കിയിരിക്കുന്നത്.
നേരത്തെ ഇതേ ആവശ്യം ഉന്നയിച്ച് ഹൈക്കോടതിയെ സമീപിച്ചിരുന്നുവെങ്കിലും ഹരജി തള്ളുകയായിരുന്നു.