കരൂപ്പടന്ന: ആശുപത്രി ജംഗ്ഷനില്‍ സ്വകാര്യ വ്യക്തിയുടെ പറമ്പിലെ കുറ്റിക്കാടിന് തീപിടിച്ചത് പരിഭ്രാന്തി പരത്തി.കഴിഞ്ഞ ദിവസം ഉച്ചക്ക് 2 മണിയോടെയാണ് സംഭവം.
കൊടുങ്ങല്ലൂരില്‍ നിന്ന് ഫയര്‍ ഫോഴ്‌സ് എത്തി തീയണച്ചതിനാല്‍ വന്‍ അപകടം ഒഴിവായി. പഴയ തെങ്ങുകള്‍ വെട്ടിയത് പറമ്പില്‍ കൂട്ടിയിട്ടിരുന്നു. കുറ്റിക്കാടിനോടൊപ്പം ഇത് കൂടി കത്തിയതാണ് തീ ആളിപ്പടരുന്നതിന് ഇടയാക്കിയത്.
തൊട്ടടുത്ത പറമ്പിലെ ഒരു തെങ്ങും കത്തി നശിച്ചു. അസി. സ്റ്റേഷന്‍ ഓഫീസര്‍ പ്രതാപന്റെ നേതൃത്വത്തില്‍ ലീഡിംഗ് ഫയര്‍മാന്‍ അശോക് കുമാര്‍, ഫയര്‍മാന്‍മാരായ സുനി, കണ്ണന്‍, ശ്രീനിവാസന്‍ , ബിനീഷ് എന്നിവരാണ് ശ്രമകരമായി തീ അണച്ചത്.