കല്‍പ്പറ്റ: വയനാട് ദാസനക്കരയില്‍ കൃഷിയിടത്തിലിറങ്ങിയ കാട്ടാന ചരിഞ്ഞു. കൃഷിയിടത്തില്‍ ഇറങ്ങിയ കാട്ടാനക്ക് തെങ്ങ് മറിച്ചിടുന്നതിനിടെ വൈദ്യുത ലൈനില്‍ നിന്ന് ഷോക്കേല്‍ക്കുകയായിരുന്നുവെന്നാണ് വിവരം. പോസ്റ്റ്‌മോര്‍ട്ടം നടപടികള്‍ ആരംഭിച്ചു.

പോസ്റ്റ്‌മോര്‍ട്ടത്തിന് ശേഷം തുടര്‍ നടപടികള്‍ പൂര്‍ത്തിയാക്കി ആനയുടെ ജഡം സംഭവ സ്ഥലത്ത് നിന്ന് മാറ്റും. ഞായറാഴ്ച രാത്രിയായിരുന്നു സംഭവം. ചെതലയം റെയ്ഞ്ചില്‍ പുല്‍പ്പള്ളി ഫോറസ്റ്റ് സ്റ്റേഷന്‍ പരിധിയിലെ ദാസനക്കര വിക്കലം ഭാഗത്ത് പാതിരി റിസര്‍വ് വനത്തിനോട് ചേര്‍ന്നുള്ള സ്വകാര്യ വ്യക്തിയുടെ തോട്ടത്തിലൂടെ പോകുന്ന കെഎസ്ഇബി ലൈനിലേക്കാണ് ആന തെങ്ങ് മറിച്ചിട്ടത്.

A coconut plucker suffers electrical shock from a power line while working, highlighting concerns about workplace safety and electrical hazards.