മത്സരങ്ങള്‍ കൃത്യസമയത്തു തന്നെ നടത്തിത്തീര്‍ക്കണമെന്നുണ്ട് സംഘാടകര്‍ക്ക്, പക്ഷെ അതിനു മത്സരാര്‍ഥികള്‍ കൂടി ശ്രദ്ധിക്കേണ്ടേ...മത്സരാര്‍ഥികള്‍ വൈകുന്നത് മത്സരങ്ങള്‍ വൈകുന്നതിനും കാരണമാകുകയാണ്.
കഴിഞ്ഞ ദിവസം, പത്തിനാരംഭിക്കുന്ന പരിപാടിയില്‍ മത്സരിക്കേണ്ട പല കോളജുകളും എത്തിയത് 11.30 ഓടെ മാത്രമാണ്. പല വേദികളിലും രാത്രി ഏറെ വൈകിമാത്രമാണു മത്സരങ്ങള്‍ സമാപിച്ചത്.
പരിപാടികള്‍ സമയബന്ധിതമായി നടത്തിത്തീര്‍ക്കാന്‍ ഫൈന്‍ ആര്‍ട്‌സ് സെക്രട്ടറിമാരും അഡൈ്വസര്‍മാരും പ്രോഗ്രാം കമ്മിറ്റിയുമായി സഹകരിക്കണമെന്നു പ്രോഗ്രാം കമ്മിറ്റി അഭ്യര്‍ഥിച്ചു.