ആലുവ: കണ്ണെത്താ ദൂരത്തോളം പരന്ന് കിടക്കുന്ന വേമ്പനാട്ടു കായല്‍ നീന്തി കയറി ആലുവ സ്വദേശി മാളു ഷെയ്ക താരമായി. വേമ്പനാട്ടു കായലിലെ എട്ട് കിലോമീറ്റര്‍ വീതിയുള്ള കുമരകം മുഹമ്മ ഭാഗം നീന്തിക്കടന്നാണ് 20 കാരിയായ മാളു ഷെയ്ക വേമ്പനാട്ടു കായല്‍ നീന്തി കടന്ന ആദ്യ വനിതയെന്ന ബഹുമതി കരസ്ഥമാക്കിയത്.
രാവിലെ 7.30ന് കോട്ടയം ജില്ലയിലെ കുമരകം ബോട്ടുജെട്ടിയില്‍ നിന്ന് മാളു ഷെയ്ക മറുകര ലക്ഷ്യമാക്കി നീന്താനാരംഭിച്ചത്. കനത്ത വെയിലും ചുടും വകവെക്കാതെ വേമ്പനാട്ടുകായലിലെ ഓള പരപ്പുകളെ വകഞ്ഞ് മാറ്റിയായിരുന്നു നീന്തല്‍. പരിശീലകന്‍ സജി വളാശേരിയും കൂടെ ഉണ്ടായിരുന്നു, ദിശാ സൂചകമായി കായലില്‍ സ്ഥാപിച്ചിരുന്ന ഒരോ ബോയകള്‍ പിന്നിടുമ്പോഴും പിന്നാലെ ബോട്ടിലുണ്ടായിരുന്ന ബന്ധുക്കളടക്കമുള്ളവര്‍ ആവേശം പകര്‍ന്നു.പൊരിവെയിലില്‍ നീന്തുന്നതിനിടെ കായല്‍ നടുവവില്‍ രണ്ടു തവണ ജലശയനവും ചെയ്തു. നീന്തലിന് സുരക്ഷയൊരുക്കി പൊലിസും മുങ്ങല്‍ വിദഗ്ദരും വിവിധ ബോട്ടുകളില്‍ അനുഗമിച്ചു. നാല് മണിക്കൂര്‍ 20 മിനിറ്റെടുത്താണ് മാളും മുഹമ്മ ജെട്ടിയില്‍ നീന്തി കയറിയത്. തന്റെ പ്രവൃത്തി നീന്തല്‍ പഠിക്കാത്ത പെണ്‍കുട്ടികള്‍ക്ക് പ്രചോദനമാകുമെന്ന പ്രതീക്ഷിക്കുന്നതായി മാളു ഷെയ്ക പറഞ്ഞു.
ബി കോം പാസായ ശേഷം ഇന്‍ഷുറന്‍സ് കമ്പനിയില്‍ അഡൈ്വസറായി ജോലി ചെയ്യുകയാണ് മാളു. പരിശീലകന്‍ സജി വാളശ്ശേരി പരിശീലനത്തില്‍ പെരിയാര്‍ നീന്തി കടന്നവരും മാളുവിനു ആവേശം നല്‍കാന്‍ എത്തിയിരുന്നു.
പെരിയാറില്‍ അറര മണിക്കൂര്‍ വരെ തുടര്‍ച്ചയായി നീന്തല്‍ പരിശീലനം നേടിയതിന്റെ പിന്‍ബലത്തിലാണ് മാളു വേമ്പനാട്ടു കായലിലെ ഓളപ്പരപ്പിന് കുറുകെ നീന്താനിറങ്ങിയത്തുടര്‍ച്ചയായ മുങ്ങി മരണങ്ങളില്‍ മനംനൊന്ത് കുട്ടികളെ സൗജന്യമായി നീന്തല്‍ പഠിപ്പാക്കാനിറങ്ങിയ സജി വളാശേരിയാണ് മാളു വിന്റെ പരിശീലകന്‍.
കാഴച ശക്തിയില്ലാത്ത 12 കാരന്‍ എം.എസ് നവനീത് അടക്കം 700 ഓളം കുട്ടികളെയാണ് കഴിഞ്ഞ വര്‍ഷത്തിനുള്ളില്‍ സജി വളാശേരി നീന്തല്‍ പഠിപിച്ചത്‌നീന്തി കയറിയ മാളുവിന് മുഹമ്മ പഞ്ചായത്ത് മുഹമ്മ പഞ്ചായത്ത് വൈസ് പ്രസിഡന്റുമായ മജു, സ്ഥിരം സമിതി സിന്ധു രാജീവ്, പഞ്ചായത്തംഗങ്ങളായ അജിത രാജീവ്, എസ്.ടി റെജി, രാധമണി, ആലപ്പുഴ സ്‌പോര്‍ട്‌സ് കൗണ്‍സില്‍ നീന്തല്‍ പരിശീലകന്‍ ജോസഫ് മാത്യു എന്നിവരും ഉപഹാരങ്ങള്‍ അനുമോദിച്ചു. ചടങ്ങില്‍ വിവിധ യുവജന സംഘടനകള്‍ മാളുവിനെ ആദരിച്ചു, നേരത്തെ കോട്ടയം ജില്ലാ പഞ്ചായത്തംഗം ജയേഷ് ഫ്‌ളാഗ് ഓഫ് ചെയ്തു.