ചങ്ങനാശ്ശേരി: അരകിലോ കഞ്ചാവുമായി ചങ്ങനാശ്ശേരി മാര്‍ക്കറ്റ് ഭാഗത്ത് ഇലഞ്ഞിപ്പറമ്പില്‍ വീട്ടീല്‍ ബിനീഷ് ജോസഫ് (36) ഷാഡോ പൊലിസിന്റെ പിടിയിലായി.ചങ്ങനാശ്ശേരി, തൃക്കൊടിത്താനം ഭാഗങ്ങളില്‍ സ്‌കൂള്‍ വിദ്യാര്‍ഥികള്‍ക്കും മറ്റും കഞ്ചാവ് വില്‍പ്പന നടത്തുന്ന സംഘത്തിലെ കണ്ണിയാണ് പൊലിസിന്റെ പിടിയിലായത്.കോട്ടയം ജില്ലാ പൊലിസ് മേധാവി എന്‍ രാമചന്ദ്രനു ലഭിച്ച രഹസ്യ വിവരം ഷാഡോ പൊലിസിനു
കൈമാറിയതിനെ തുടര്‍ന്ന് ഷാഡോ പൊലിസ് ഇവരെ നിരീക്ഷിച്ചുവരികയായിരുന്നു. ചങ്ങനാശ്ശേരിയില്‍ ഹാന്‍സും കഞ്ചാവും വില്‍പ്പന നടത്തുന്ന അമീന്‍ എന്നയാളിന്റെ സാധനം ബിനീഷിന്റെ വീട്ടില്‍ സൂക്ഷിച്ചുവെയ്ക്കുന്നുണ്ടെന്നു മനസിലാക്കിയ ഷാഡോ പോലിസ് ബിനീഷിപെിടികൂടി. വീട് പരിശോധന നടത്തിയതില്‍ നിന്നും കഞ്ചാവ് കട്ടിനടിയില്‍ ഒളിപ്പിച്ചുവെച്ചതായി കാണപ്പെട്ടു. പ്രതിയെ കൂടുതല്‍
ചോദ്യം ചെയ്തു വരുന്നു. പ്രതിയെ കോടതിയില്‍ ഹാജരാക്കി റിമാന്റു ചെയ്തു.ജില്ലാ പോലിസ് മേധാവി എന്‍ രാമചന്ദ്രന്റെ നിര്‍ദേശപ്രകാരം ചങ്ങനാശ്ശേരി ഡി.വൈ.എസ.്പി വി അജിത്തിന്റെ നേതൃത്വത്തില്‍ സി.ഐ ബിനു വര്‍ഗീസ്, എസ.്‌ഐ സിബി തോമസ് ഷാഡോ പോലിസിലെ എഎസ.്‌ഐ കെ. കെറെജി, പ്രദീഷ് രാജ്, ആന്റണി സെബാസ്റ്റ്യന്‍ എന്നിവരാണ് പ്രതിയെപിടികൂടിയത്.