കോഴിക്കോട്: ബസ് സമരത്തെ തുടര്‍ന്ന് വലഞ്ഞ രോഗികള്‍ക്ക് ആശ്വാസമായി യുവാക്കള്‍ രംഗത്തെത്തി. കോഴിക്കോട് റെയില്‍വേ സ്റ്റേഷനില്‍ നിന്ന് മെഡിക്കല്‍ കോളജ് ആശുപത്രിയിലേക്കും ആശുപത്രിയില്‍ നിന്ന് ഡിസ്ചാര്‍ജായ രോഗികളെ വീട്ടിലെത്തിച്ചും ഭാരതീയ രാഷ്ട്രീയ കോണ്‍ഗ്രസ് സേവാ ജില്ലാ കമ്മിറ്റിയുടെ (ബി.ആര്‍.സി.എസ്) നേതൃത്വത്തിലുള്ള യുവാക്കളാണ് മാതൃകാ പ്രവര്‍ത്തനം നടത്തിയത്.

റെയില്‍വേ സ്റ്റേഷനില്‍ നിന്നു മെഡിക്കല്‍ കോളജ് ആശുപത്രിയിലേക്കാണ് സൗജന്യമായി കാര്‍യാത്രാ സൗകര്യമൊരുക്കിയത്. ആശുപത്രിയില്‍ നിന്നു ഡിസ്ചാര്‍ജ് ആയവരെ വീടുകളില്‍ എത്തിക്കാനും ഇവര്‍ മുന്നിട്ടിറങ്ങി. 12 കാറുകളിലായി നഗരത്തിന്റെ വിവിധ ഭാഗങ്ങളില്‍ സര്‍വിസ് നടത്തി. പ്രസ്‌ക്ലബ് സെക്രട്ടറി പി. വിപുല്‍നാഥ് ഉദ്ഘാടനം ചെയ്തു. ജില്ലാ പ്രസിഡന്റ് നിയാസ് കാരപ്പറമ്പ് അധ്യക്ഷനായി. ബസ് സമരം അവസാനിച്ചില്ലെങ്കില്‍ വരുംദിവസങ്ങളിലും തുടര്‍ച്ചയായി ഇത്തരത്തിലുള്ള സേവനം ഉണ്ടാകുമെന്ന് ഭാരവാഹികള്‍ അറിയിച്ചു. സംസ്ഥാന പ്രസിഡന്റ് നൗഷാദ് തെക്കെയില്‍, ജനറല്‍ സെക്രട്ടറി ഷെരീഫ് മലയമ്മ, ഷാഹുല്‍ മടവൂര്‍, ധനേഷ് ചങ്ങരോത്ത് കുന്നുമ്മല്‍, അമൃത് കൃഷ്ണന്‍ കണ്ണാടിപൊയില്‍, സി. മെഹസിം, കെ. അര്‍ജുന്‍ നേതൃത്വം നല്‍കി.