HOME
DETAILS

പി.എന്‍.ബി വായ്പാ തട്ടിപ്പ് ഉദ്യോഗസ്ഥ തലത്തിലെ കാര്യക്ഷമതയില്ലായ്മയെന്ന് ജെയ്റ്റ്‌ലി

  
backup
February 24 2018 | 23:02 PM

%e0%b4%aa%e0%b4%bf-%e0%b4%8e%e0%b4%a8%e0%b5%8d%e2%80%8d-%e0%b4%ac%e0%b4%bf-%e0%b4%b5%e0%b4%be%e0%b4%af%e0%b5%8d%e0%b4%aa%e0%b4%be-%e0%b4%a4%e0%b4%9f%e0%b5%8d%e0%b4%9f%e0%b4%bf%e0%b4%aa%e0%b5%8d-3


ന്യൂഡല്‍ഹി: ഓഡിറ്റര്‍മാരുടേയും ബാങ്ക് നിയന്ത്രണ വിഭാഗത്തിന്റേയും കാര്യക്ഷമതയില്ലായ്മയാണ് പഞ്ചാബ് നാഷനല്‍ ബാങ്കില്‍ കോടിക്കണക്കിന് രൂപയുടെ തട്ടിപ്പിന് ഇടയാക്കിയ സംഭവത്തിന് കാരണമെന്ന് കേന്ദ്ര ധനമന്ത്രി അരുണ്‍ ജെയ്റ്റ്‌ലി.
ബാങ്കിനെ കബളിപ്പിച്ചവര്‍ക്കെതിരേ ശക്തമായ നടപടി സ്വീകരിക്കുമെന്നും അദ്ദേഹം കൂട്ടിച്ചേര്‍ത്തു.
ബിസിനസ് രംഗത്ത് ധാര്‍മികത വേണം. അതില്ലാത്തതാണ് കോടിക്കണക്കിന് രൂപയുടെ തട്ടിപ്പിന് ഇടയാക്കുന്ന സംഭവങ്ങള്‍ ആവര്‍ത്തിക്കാന്‍ കാരണം.
നീരവ് മോദിയുടേയും മെഹുല്‍ ചോക്‌സിയുടേയും പഞ്ചാബ് നാഷനല്‍ ബാങ്കിന്റേയും പേരെടുത്ത് പറയാതെയായിരുന്നു ജെയ്റ്റ്‌ലിയുടെ പരാമര്‍ശം.
സാമ്പത്തിക രംഗത്തുണ്ടാകുന്ന ക്രമക്കേടുകള്‍ വലിയതോതില്‍ അസ്വസ്ഥതയുണ്ടാക്കുന്നതാണ്. എന്താണ് നടക്കുന്നതെന്നോ എന്താണ് സംഭവിക്കാനിരിക്കുന്നതെന്നോ ബന്ധപ്പെട്ടവര്‍ മനസിലാക്കുന്നില്ല. പലതട്ടുകളിലായി ഓഡിറ്റിങ് നടത്തുന്നുണ്ട്.
എന്നാല്‍ ഇതെല്ലാം കേവലം ജോലിയെന്ന നിലയിലേക്ക് മാറ്റപ്പെടുകയാണെന്നും ജെയ്റ്റ്‌ലി ആരോപിച്ചു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."