കൊണ്ടോട്ടി: കരിപ്പൂര്‍ വിമാനത്താവളം വഴി അനധികൃതമായി കടത്താന്‍ ശ്രമിച്ച 1.334 കിലോഗ്രാം സ്വര്‍ണം എയര്‍ കസ്റ്റംസ് ഇന്റലിജന്‍സ് വിഭാഗം പിടികൂടി.
ദുബൈ, മസ്‌കത്ത്് എന്നിവിടങ്ങളില്‍ നിന്ന് കരിപ്പൂരിലെത്തിയ മൂന്ന് യാത്രക്കാരില്‍ നിന്നായാണ് സ്വര്‍ണം പിടിച്ചെടുത്തത്.
എയര്‍ ഇന്ത്യയുടെ വിമാനത്തില്‍ മസ്‌കത്തില്‍ നിന്നെത്തിയ കൊയിലാണ്ടി സ്വദേശി അലി(36)യില്‍ നിന്ന് 1156.19 ഗ്രാം സ്വര്‍ണമാണ് കണ്ടെടുത്തത്. മിശ്രിത രൂപത്തിലായിരുന്നു സ്വര്‍ണം. ഇന്ത്യന്‍ വിപണിയില്‍ 35,81,877 രൂപ വിലവരും.
എയര്‍ ഇന്ത്യ എക്‌സ്പ്രസിന്റെ ദുബൈ വിമാനത്തിലെത്തിയ രണ്ട് യാത്രക്കാരില്‍ നിന്ന് 165 ഗ്രാം സ്വര്‍ണമാണ് പിടികൂടിയത്. സ്വര്‍ണ ചെയിനുകളാക്കി വസ്ത്രങ്ങള്‍ക്കടിയില്‍ ഒളിപ്പിച്ചാണ് ഇവ കടത്താന്‍ ശ്രമിച്ചത്.
ഇതിന് ഇന്ത്യന്‍ വിപണിയല്‍ 4,74,787 രൂപ വിലവരും. രണ്ടു കേസുകളിലുമായി 40,56,664 രൂപയുടെ സ്വര്‍ണമാണ് കസ്റ്റംസ് കണ്ടെടുത്തത്.