കായംകുളം: കെ.പി റോഡില്‍ കുറ്റിത്തെരുവ് ജങ്ഷന് സമീപം ടിപ്പര്‍ ലോറിയിടിച്ച് മൂന്നുപേര്‍ മരിച്ച സംഭവത്തില്‍ ടിപ്പര്‍ ലോറിയുടെ ഡ്രൈവര്‍ അറസ്റ്റില്‍.
കോട്ടയം മണിമല കാക്കനാട്ട് വീട്ടില്‍ റെന്നി കെ. മൈക്കിള്‍ (40) ആണ് അറസ്റ്റിലായത്. ഇയാള്‍ക്കെതിരേ കായംകുളം പൊലിസ് മനപ്പൂര്‍വമല്ലാത്ത നരഹത്യക്ക് കേസെടുത്തു. ഇന്ന് കോടതിയില്‍ ഹാജരാക്കും.
വ്യാഴാഴ്ച രാവിലെ 7.20നായിരുന്നു സംഭവം. കോട്ടയത്തെ ക്രഷറില്‍നിന്ന് കയറ്റിയ പാറപ്പൊടി ഓച്ചിറയില്‍ ഇറക്കിയശേഷം തിരികെപോകുന്നതിനിടെ ടിപ്പര്‍ ബൈക്കിലിടിക്കുകയായിരുന്നു. ബൈക്ക് യാത്രികരായ ആലപ്പുഴ കളര്‍കോട് കാളാട്ട് വാര്‍ഡില്‍ വള്ളിക്കാട്ട് പറമ്പില്‍ രാജമ്മ (55), ഇവരുടെ മകന്‍ രാജീവ് ( 34), കൊച്ചുമകന്‍ മിഥുന്‍ (6 )എന്നിവരാണ് മരിച്ചത്.