തിരുവനന്തപുരം: ഭക്തിനിര്‍ഭരമായ അന്തരീക്ഷത്തില്‍ ലക്ഷക്കണക്കിന് ഭക്തര്‍ ആറ്റുകാലമ്മക്ക് പൊങ്കാലയര്‍പ്പിച്ചു.
രാവിലെ പത്തേകാലോടെ ക്ഷേത്രത്തിനു സമീപമുള്ള പണ്ടാര അടുപ്പില്‍ തീപകര്‍ന്നതോടെ ആരംഭിച്ച പൊങ്കാലയിടല്‍ ചടങ്ങുകള്‍ ഉച്ചക്ക് രണ്ടരക്ക് കലങ്ങളില്‍ പുണ്യാഹംതളിച്ച് നിവേദിച്ചതോടെ അവസാനിച്ചു. സംസ്ഥാനത്തിനകത്തും പുറത്തുമുള്ളവരും വിദേശികളും ഉള്‍പ്പെടെ ലക്ഷക്കണക്കിന് സ്ത്രീകളാണ് പൊങ്കാലക്ക് എത്തിയത്.