ഷില്ലോങ്: മേഘാലയ മുഖ്യമന്ത്രിയും കോണ്‍ഗ്രസ് സ്ഥാനാര്‍ഥിയുമായ മുകുള്‍ സാങ്മ മത്സരിച്ച രണ്ട് സീറ്റുകളിലും അദ്ദേഹത്തിന് മിന്നുന്ന ജയം.
അംബാത്തി, സോങ്‌സാക് മണ്ഡലങ്ങളിലാണ് അദ്ദേഹം മത്സരിച്ചിരുന്നത്. അംബാത്തിയില്‍ എതിര്‍ സ്ഥാനാര്‍ഥി ബി.ജെ.പിയിലെ ബകുല്‍ ഛെ ഹജോങിനെ 6000 വോട്ടുകള്‍ക്ക് തോല്‍പ്പിച്ചപ്പോള്‍ സോങ്‌സാക് മണ്ഡലത്തില്‍ നാഷനല്‍ പീപ്പിള്‍സ്പാര്‍ട്ടി സ്ഥാനാര്‍ഥിയായ നിഹിം ഡി ഷിരയെ 1300 വോട്ടുകള്‍ക്കാണ് തോല്‍പ്പിച്ചത്.
മുഖ്യമന്ത്രിയുടെ ഭാര്യ ദികാഞ്ജി ഡി ഷിര മഹേന്ദ്രഗഞ്ച് മണ്ഡലത്തില്‍ നിന്ന് 6,000 വോട്ടുകളുടെ ഭൂരിപക്ഷത്തിനാണ് വിജയിച്ചത്. എതിര്‍ സ്ഥാനാര്‍ഥി ബി.ജെ.പിയിലെ പ്രേമാനന്ദ് കോച്ച് ആയിരുന്നു.