മലപ്പുറം: 'ഗാന്ധിജിയുടെ ഇന്ത്യയെ ഗോഡ്‌സെയ്ക്കു വിട്ടുകൊടുക്കില്ല' എന്ന തലക്കെട്ടില്‍ നാഷനല്‍ യൂത്ത്‌ലീഗ് സംസ്ഥാന കാംപയിന്‍ ഒന്‍പതിനു മലപ്പുറം ഗ്രേസ് ഓഡിറ്റോറിയത്തില്‍ നടക്കും. വൈകിട്ട് നാലിനു സംസ്ഥാന പ്രസിഡന്റ് അഡ്വ. ഷമീര്‍ പയ്യനങ്ങാടി ഉദ്ഘാടനം ചെയ്യും. അഡ്വ. എം.ബി ഫൈസല്‍, അഡ്വ. കെ.കെ സമദ്, അന്‍വര്‍ മുള്ളമ്പാറ, ഇല്ല്യാസ് മുക്കോളി, ഷഫീഖ് നദ്‌വി തുടങ്ങിയവര്‍ പങ്കെടുക്കും.
ജനുവരി 30നു കാസര്‍കോട്ടുനിന്നു തുടക്കംകുറിച്ച കാംപയിന്‍ മാര്‍ച്ച് 10നു തിരുവനന്തപുരം ഗാന്ധിപാര്‍ക്ക് മൈതാനിയില്‍ ദേശരക്ഷാ പ്രതിജ്ഞയോടുകൂടി സമാപിക്കും. 19നു സംസ്ഥാന പ്രതിനിധി സംഗമം കോഴിക്കോട് നളന്ദ ഓഡിറ്റോറിയത്തില്‍ നടക്കും. യോഗം ഐ.എന്‍.എല്‍ അഖിലേന്ത്യാ പ്രസിഡന്റ് പ്രൊഫ. മുഹമ്മദ് സുലൈമാന്‍ ഉദ്ഘാടനം ചെയ്യും.
വാര്‍ത്താസമ്മേളനത്തില്‍ അഡ്വ. ഷമീര്‍ പയ്യനങ്ങാടി, നൗഫല്‍ തടത്തില്‍, മുജീബ് പുള്ളാട്ട്, ഉനൈസ് തങ്ങള്‍ പങ്കെടുത്തു.