സിയൂള്‍: ദക്ഷിണ കൊറിയയുടെ രണ്ടംഗ നയതന്ത്ര പ്രതിനിധി സംഘം അമേരിക്കയിലെത്തി. ദേശീയ സുരക്ഷാ ഉപദേഷ്ടാവ് എച്ച്.ആര്‍ മക്മസ്റ്റര്‍ അടക്കമുള്ള മുതിര്‍ന്ന യു.എസ് വൃത്തങ്ങളുമായി കൂടിക്കാഴ്ച നടത്താനായാണു സംഘം അമേരിക്ക സന്ദര്‍ശിക്കുന്നത്.
ദ.കൊറിയയുടെ ദേശീയ സുരക്ഷാ മേധാവി ചുങ് യൂ യോങ്, ദേശീയ രഹസ്യാന്വേഷണ ഏജന്‍സി മേധാവി സുഹ് ഹൂന്‍ എന്നിവരാണ് അമേരിക്കയിലെത്തിയത്. ഉത്തര കൊറിയന്‍ നേതാവ് കിം ജോങ് ഉന്നുമായി ചര്‍ച്ചയ്ക്കുള്ള വഴിതുറക്കുന്നതിന്റെ ഭാഗമായാണു ദ.കൊറിയ നയതന്ത്ര സംഘത്തെ അയച്ചത്. നേരത്തെ യോങ്ങിന്റെ നേതൃത്വത്തിലുള്ള പത്തംഗ പ്രതിനിധി സംഘം ഉ.കൊറിയ സന്ദര്‍ശിക്കുകയും കിം ജോങ് ഉന്‍ അടക്കമുള്ള പ്രമുഖരുമായി കൂടിക്കാഴ്ച നടത്തുകയും ചെയ്തിരുന്നു.