ചങ്ങനാശേരി: പട്ടിണി മൂലം ബുദ്ധിമുട്ടനുഭവിക്കുന്ന ഒരു കുടുംബം പോലും ചങ്ങനാശേരിയില്‍ ഉണ്ടാകരുതെന്ന ലക്ഷ്യത്തോടെ ചങ്ങനാശേരി ചാരിറ്റി വേള്‍ഡ് ട്രസ്റ്റ് പട്ടിണിരഹിത ചങ്ങനാശേരി എന്ന പദ്ധതിക്ക് തുടക്കമിടുന്നു.
ചങ്ങനാശേരി നഗരസഭയുടെയും താലൂക്കിലെ പതിനൊന്നു പഞ്ചായത്തുകളുടെയും സഹകരണത്തോടെയാണ് ഈ സംരംഭം നടത്തുക. ഇതിന്റെ ഭാഗമായി 16ന് രാവിലെ 10.30ന് ജനപ്രതിനിധികളുടെ യോഗം ചീരഞ്ചിറ ജിമ്മി പടനിലം സെന്ററില്‍ നടക്കും. ജനപ്രതിനിധികളുടെ സമ്മേളനം കാഞ്ഞിരപ്പള്ളി എം.എല്‍.എ ഡോ. ജയരാജ് ഉത്ഘാടനം ചെയ്യും. പട്ടിണി അനുഭവിക്കുന്ന കുടുംബങ്ങളില്‍ ഭക്ഷണസാധനങ്ങള്‍ അടങ്ങിയ കിറ്റ് മാസം തോറും എത്തിക്കുവാനാണ് ചാരിറ്റി വേള്‍ഡ് ട്രസ്റ്റ് പദ്ധതിയിട്ടിരിക്കുന്നത്.