ആലത്തൂര്‍: വാര്‍ത്ത ശേഖരിക്കുന്നതിനിടെ മംഗളം ലേഖകന്‍ സുനു ചന്ദ്രനോട് ആലത്തൂരിലെ ടാക്‌സി ഡ്രൈവര്‍മാര്‍ മോശമായി പെരുമാറുകയും ഭീഷണിപ്പെടുത്തുകയും ചെയ്ത സംഭവത്തില്‍ ആലത്തൂരിലെ പത്രപ്രവര്‍ത്തകര്‍ പ്രതിഷേധിച്ചു. ഇത്തരം സംഭവങ്ങള്‍ ആവര്‍ത്തിച്ചാല്‍ നിയമ നടപടിയിലേക്ക് പോകുമെന്ന മുന്നറിയിപ്പും നല്‍കി. കെ. പഴണിമല, ജിജി ജോര്‍ജ്, ആര്യാട് സനല്‍കുമാര്‍, ജോബ് ജോണ്‍, ജി. അലോഷ്യസ്, ഇസ്മയില്‍ മാസ്റ്റര്‍, സുകേഷ്, രാജേഷ് ചിറ്റിലഞ്ചേരി, മുജീബ് റഹിമാന്‍ സംസാരിച്ചു.
സംഭവത്തില്‍ കേരള റിപ്പോര്‍ട്ടേഴ്‌സ് ആന്റ് മീഡിയാ പേര്‍സണ്‍സ് യൂനിയന്‍ പാലക്കാട് ജില്ലാ കമ്മിറ്റി ശക്തമായി പ്രതിഷേധിച്ചു. സംസ്ഥാന എക്‌സിക്യുട്ടീവ് കമ്മറ്റി അംഗം സന്തോഷ് കുന്നത്ത്, ജില്ലാ കമ്മറ്റി അംഗങ്ങളായ ഡോക്ടര്‍ രഘുനാഥ് പാറയക്കല്‍, മനോജ് ഫോട്ടോ മാജിക്, ബിജു എണ്ണശ്ശേരി, ഇ. മജീദ്, ഷിബു സംസാരിച്ചു.