ഷൊര്‍ണൂര്‍: വി.കെ.നാരായണ ഭട്ടതിരി ട്രസ്റ്റും വടക്കാഞ്ചേരി കേരളവര്‍മ ലൈബ്രറിയും സംയുക്തമായി നല്‍കുന്ന വി.കെ. നാരായണ ഭട്ടതിരി സ്മൃതി പുരസ്‌കാരത്തിന് കാലടി സംസ്‌കൃത സര്‍വകലാശാല മുന്‍ വേദ വിഭാഗം പ്രൊഫസറും ഇപ്പോള്‍ കലാമണ്ഡലം അക്കാദമിക് ഡയറക്ടറുമായ ഡോ. സി.എം. നീലകണ്ഠനെ തെരഞ്ഞെടുത്തു. വേദവിജ്ഞാനത്തിന്റെ പോഷണത്തിനും പ്രചാരണത്തിനും നല്‍കിയ സമഗ്ര സംഭാവന പരിഗണിച്ചാണ് പുരസ്‌കാരം നല്‍കുന്നത്. 11ന് രാവിലെ 9.30ന് വടക്കാഞ്ചേരി കേരളവര്‍മ ലൈബ്രറിയില്‍ നടക്കുന്ന സമ്മേളനത്തില്‍ പുരസ്‌കാരം സമ്മാനിക്കും.